خانہ کعبہ میں صفیں بچھا نے کا آغاز کر دیا گیا۔

             خانہ کعبہ میں صفیں بچھا نے کا آغاز کر دیا گیا۔

 ادارہ امور حرمین کی طرف سے خانہ کعبہ  کے صحن مطاف اور دیگر مقامات پر 

 سماجی فاصلے کے اصولوں کو مدنظر رکھتے ہوئے صفیں بچھا دی گئی ہیں۔

نیوز کے مطابق ادارہ امور حرمین کے نگران اعلی شیخ ڈاکٹر عبدالرحمان السدیس کی طرف سے جاری احکامات پر عمل کرتے ہوئے مسجد الحرام میں صفیں بچھا دی گئیں ہیں۔

یہ کام ہر سال نئے ہجری سال کے آغاز میں حرمین شریفین میں کیا جاتا ہے صحن شریف میں نئی صفیں بچھائی جاتی ہیں۔ اس اصول پر عمل  درامد کرتے ہوئے پہلے مسجد نبوی میں  بھی نئی صفیں بچھائی گئی ہیں جبکہ جمعرات کی سہہ پہر مسجد الحرام میں بھی نئی صفیں بچھانے کے عمل کا آغاز کر دیا گیا۔

صفیں بچھانے کے بعد کوڈ۱۹ سے بچاؤ کے اصولوں کو  بھی مدنظر رکھا گیا ہے جس کے تحت ایک نمازی کا  دوسرے سےکم از کم 2 میٹر کا فاصلہ رکھتے ہوئے صفوں پر نشانات بھی لگائے   گئے ہیں۔

ادارہ امور حرمین شریفین کا کہنا ہے کہ حرم مکی میں 24 گھنٹے سینیٹائزنگ کا کام بھی جاری ہے اس حوالے سے کارکنوں کو مختلف شفٹوں میں مقرر  کیا گیا ہے جو اعلی معیار کی جراثیم کش ادویات کا اسپرے کرتے ہیں تاکہ کورونا وائرس کے علاوہ دیگر  مضر صحت جراثیموں سے بھی محفوظ رہا جاسکے۔